وانەی (٥٣) کات و ساعەت:

بەکارهێنانی ساعەت لە زمانی سویدی:

لە رستەیەکدا بۆ وتنی ساعەت پاش klockan یان کورتکراوەکەی (kl.) ژمارەی ساعەت دێت:

من ببینە لە ساعەت ٧.	Möt mig klockan sju.
ئەو هەموو ڕۆژێ ساعەت ٩ لە خەو هەڵدەستێ.	Han stiger upp kl.( 9 ) varje morgon.

پرسیاری ساعەت بە Vad är klockan? دەکرێ و واتاکەی سەعات چەندە؟ و لە وڵامدا دەوترێت: Klockan är tre. ساعەت سێیە:

Klockan är tre.

Vad är klockan?

بۆ وتنی سەعات دەتوانی وەک کوردی بڵێی بۆ نموونە  ( ساعت٦ و ٥ دەقە) و دەبێ لەم حاڵەتە دا بڵێی ٥ دەقە لە ٦ تێپەڕ بووە: fem (minuter) över sex.

یان بۆ ٣:٥٥ دەوترێت ٥ دەقەی ماوە بە ٤ ،واتە: fem i fyra

لە زۆربەی جار وەک کوردی بۆ نموونە ناوترێت( ١١ و نیو) بەڵکوو دەوترێت نیو ساعەتی ماوە بە ١٢ (halv tolv) و یان ساعەت ١٢ و ٢٥ دەقە دەوترێت ٥ دەقەی ماوە بە ساعەت نیوساعەت بە ١.

لە زمانی سوئێدیش چارەک هەیە کە بەمشێوە دەوترێت: kvart över fyra.  یانی چارەکێک لە چوار تێپەڕ بووە.

٦:٠٥	fem (minuter) över sex.
٣:٥٥	fem i fyra
11:30	halv tolv
12:25	fem (minuter) i halv ett.
٤:١٥	kvart över fyra.

ئەمەش چەند نموونە بە وێنە: